Utilizamos cookies propias y de terceros para mejorar su experiencia y nuestros servicios, analizando la navegación en nuestro sitio web. Si continuas navegando, se considera que das tu consentimiento para su uso. Puede obtener más información en nuestra Política de Cookies
20 aniversario das Festas do Barrio de San Pedro
As FBSP son unha iniciativa para facer do noso barrio un lugar máis habitable e reivindicar bailando a importancia da vida comunitaria.
Tarea
|
Mínimo | Óptimo |
|---|---|---|
|
Mecenado
Fundación Goteo "(5%)" e comisións bancarias (0,8% por cada achega).!!
|
€ 500 | |
|
Programación
Serán 5 días de programación con actuacións musicais, artes escénicas, obradoiros, narración oral e poesía. Orzamento para cubrir os cachés das artistas e gastos de produción.
|
€ 4.000 |
Material
|
Mínimo | Óptimo |
|---|---|---|
|
Material impreso para difusión e comunicación social
Carteis coas actividades, lonas, luces, estrados e calquera outro elemento que nos axude a difundir e celebrar as Festas.
|
€ 2.000 |
Infraestructura
|
Mínimo | Óptimo |
|---|---|---|
|
Cantina
Nesta partida incluímos os gastos da loxística de montaxe e os custos de aluguer dunha furgoneta para montar e desmontar a cantina da Asociación, parte fundamental para que poidamos organizar unhas Festas autoxestionadas.
|
€ 1.500 | |
|
Sanitarios portátiles
Servizo de aluguer, instalación e mantemento.
|
€ 500 | |
|
Valados portátiles
Aluguer.
|
€ 100 | |
| Total | € 4.500 | € 8.600 |
Dende a Asociación Cultural do Barrio de San Pedro levamos meses traballando na organización das Festas do 2023. A edición deste ano será moi especial, imos celebrar o 20 aniversario: 20 anos de moito (poli)amor de barrio, moita troula e moito activismo en favor do lugar que habitamos.
Anotade nas axendas do 28 de xuño ao 2 de xullo: cinco días de circo, teatro, cabezudas, obradoiros, alboradas, música e moito máis.
Seguimos apostando por actividades que cheguen ao maior número de veciñas, de acceso libre e para todos os gustos. Por iso, un ano máis, necesitamos da vosa colaboración para continuar celebrando as Festas que merecemos. Xornadas de reivindicar bailando a importancia de transformar o espazo para priorizar a vida comunitaria.
Características:
Facemos as Festas para celebrar que vivimos nun barrio vivo e diverso, cunha programación pensada por e para a veciñanza. Todas as nosas actividades teñen lugar nas rúas, prazas e parques do Barrio de San Pedro; buscando propostas para todos os públicos e gustos. Un dos piares principais que nos une é a crenza no traballo comunitario, onde a veciñanza non sexa unicamente destinataria de proxectos e actividades, senón que dende o punto de partida (dende a análise da situación e necesidades de todo tipo) sexamos protagonistas, cunha voz resultante da suma colectiva.
Obxectivos:
– Desenvolver unha programación comprometida e diversa que implique a un maior e variado número de xente do barrio, de todas as idades, procedencias xeográficas, culturais, etc.
– Realizar actividades que tendan a valorar cuestións propias do barrio e das súas xentes.
– Organizar actos culturais, lúdicos e educativos no contexto das datas escollidas para as festas.
– Favorecer o intercambio de experiencias e información entre o tecido asociativo do barrio.
– Establecer colaboracións co máximo número de entidades e colectivos sociais do barrio.
– Vivir cinco días nos que poidamos compartir, celebrar e bailar.
– Promover tempos e espazos para o encontro, sen masificacións e vivindo en comunidade.
As Festas do Barrio de San Pedro nacen para propiciar máis espazos de encontro e celebración entre a veciñanza. Para facer do noso barrio un lugar máis habitable e de coidados. Pensado para todas as persoas que habitan e comparten o amor polo noso barrio.
A Asociación Cultural Barrio de San Pedro leva vinte anos organizando as Festas e outras moitas actividades culturais. Formada por un equipo de aproximadamente 15 persoas, contamos con máis de 100 voluntarias que colaboran todos os anos na organización das festas e demais propostas enmarcadas no barrio.
Ademais de organizar as festas, realizamos actividades de dinamización cultural, reivindicativas e de lecer. Ao longo destes anos podemos destacar as Feiras da Primavera, a celebración dos Maios, o Festival San Pedro sen Paredes ou os Barrios con Luz Propia. Tamén cooperamos e dinamizamos xunto con outros colectivos e realizamos diversas actividades en colaboración coa Asociación Veciñal A Xuntanza, coma o Día do Barrio, as Cacharelas de San Xoán, o Mercado do Caracol e a elaboración e difusión do Decalógo de boas prácticas para o tramo final do Camiño. Apoiamos a iniciativa San Pedro Emocional, colaboramos coa Casa do Matadoiro e formamos parte do proxecto "Utópicas, arte e territorio", entre outras iniciativas.
No ano 2004, co obxectivo de impulsar o movemento asociativo e cultural do Barrio de San Pedro de Compostela, diversas persoas e colectivos creamos a Asociación Cultural Barrio de San Pedro. Dende entón vimos organizando as Festas, un evento artellado entre a veciñanza e o tecido asociativo do Barrio de San Pedro. Actividades pensadas dende o local que apostan pola defensa dos valores culturais propios (lingua, artistas locais, grupos emerxentes...). Dende o comezo desta andaina traballamos por facer unhas Festas autoxestionadas, asemblearias, críticas, comunitarias, comprometidas, transparentes, sostibles e feministas.
Lograr la igualdad entre los géneros y empoderar a todas las mujeres y las niñas
Lograr que las ciudades y los asentamientos humanos sean inclusivos, seguros, resilientes y sostenibles
Garantizar modalidades de consumo y producción sostenibles
Canal 
