Canle 
Achegando $ 201
🌑 Un pequeno xesto grande
O teu nome (ou alias) aparecerá nos agradecementos da web de Cicla.
> 12 Cofinanceiros
Acerca deste Proxecto
Cicla visibiliza como as fases do ciclo menstrual inflúen na vida diaria e na saúde das mulleres, promovendo o autocoñecemento.
Amosar listado de necesidades
Infraestrutura
|
Mínimo | Óptimo |
|---|---|---|
|
Gastos fixos de Cicla (2026 - 2028)
Pago dos gastos fixos anuais necesarios para garantir a continuidade de Cicla durante os próximos tres anos: - Programa de Desenvolvedores de Apple: 99€/ano, - Dominio cicla.es: 13€/ano, - Hosting da web cicla.es en Dinahosting: 79€/ano e - Comisións bancarias de Abanca: 126€/ano.
Cubrir estes custos permite que a app e a web sigan activas, actualizadas e accesibles sen depender de investidores externos nin publicidade invasiva.
|
$ 19,147 | |
|
Comisión Goteo
10% de comisión (sobre a recadación mínima) por pagamentos con tarxeta e para a Fundación Goteo.
|
$ 987 | |
|
Desenvolvemento e mantemento da páxina web (2019 - 2025)
Mantemento anual da páxina web de Cicla desde o inicio do proxecto (compra e renovación de dominios, servizos de hosting necesarios para aloxar a web, certificados de seguridade e contas de correo asociadas ao proxecto).
A web foi unha peza clave para a difusión de Cicla, o acceso á información sobre o ciclo menstrual e a comunicación coa comunidade.
|
$ 10,127 | |
|
Rexistro da Marca (2019)
Rexistro na Oficina Española de Patentes e Marcas (OEPM)
|
$ 3,322 | |
|
Programa de Desenvolvedores de Apple (2021 - 2025)
Gasto anual obrigatorio para poder publicar, manter e actualizar a aplicación de Cicla en dispositivos iOS (Apple Store)
|
$ 13,952 | |
|
Xestión, legalidade, difusión e gastos operativos (2019 - 2025)
Custos necesarios para a xestión legal, administrativa e operativa da Asociación Cicla: seguros obrigatorios, comisións bancarias e trámites administrativos.
|
$ 13,107 | |
|
Comisión Goteo
10% de comisión (sobre a recadación óptima) por pagamentos con tarxeta e para a Fundación Goteo.
|
$ 5,396 |
Material
|
Mínimo | Óptimo |
|---|---|---|
|
Formación (2019 - 2021)
Formación específica necesaria para o desenvolvemento e mellora de Cicla, tanto a nivel técnico (curso de programación Flutter) como de contidos (Curso sobre Ciclo Menstrual, Entrenamento e Saúde)
|
$ 3,241 |
Tarefa
|
Mínimo | Óptimo |
|---|---|---|
|
Candidaturas Premios LAUS (2021)
Participación de Cicla en convocatorias de premios e concursos do sector creativo, tecnolóxico e social: Premios LAUS (categoría Apps móbiles e Aporta), ADCE Awards e Concurso IXA.
|
$ 10,067 | |
| Total | $ 20,133 | $ 79,346 |
Imprescindíbel
Adicional
Información xeral
Somos Cicla, un equipo liderado por mulleres que desde 2019 desenvolve unha aplicación móbil dedicada ao coñecemento do ciclo menstrual, utilizada por máis de 25.000 mulleres.
Cicla é unha ferramenta creada para entender como as diferentes fases do ciclo inflúen na vida diaria, na saúde, no benestar e na toma de decisións. Partimos dunha idea clave: o ciclo menstrual é o quinto signo vital, tan importante para a saúde como a respiración ou a presión arterial.
Desde o seu lanzamento en 2021, Cicla desenvolveuse como un proxecto independente, sen publicidade nin venda de datos, poñendo sempre a privacidade e a saúde das usuarias no centro. O 16 de marzo de 2026 lanzamos unha nova versión da app e creamos esta campaña para asegurar a súa continuidade e seguir ofrecendo unha ferramenta gratuíta, ética e sostible.
En total, levamos investidas máis de 1.400 horas de traballo:
- 400 horas de deseño
- 650 horas de desenvolvemento
- 200 horas de redacción de contidos
- 150 horas de testing
E todo este traballo tradúcese nunha nova versión de Cicla con importantes melloras:
- Nova sección Patrones para descubrir en detalle o teu ciclo menstrual
- Recomendacións personalizadas en formato storie
- Disponible en catalán, galego, éuscaro e inglés
- Máis información educativa sobre o ciclo menstrual
- Novo deseño mellorado e máis intuitivo
- Solución de erros e melloras técnicas
Descarga Cicla no teu móbil:
👉 Se es iOS en este enlace.
👉 Se es Android en este enlace.
Características básicas
Cicla xorde ao tomar conciencia da falta de coñecemento sobre o ciclo menstrual e, por tanto, sobre os nosos propios corpos. Esta carencia non é individual, senón social, e ten un impacto directo na saúde, no benestar e na autonomía das mulleres.
O proxecto nace como unha forma de aportar coñecemento rigoroso, accesible e respectuoso, e como unha reivindicación do lugar que o ciclo menstrual debería ocupar na sociedade actual, fronte á súa histórica invisibilización e estigmatización.
🎖 Os nosos compromisos e valores:
- Privacidade e ética: non vendemos datos a terceiros nin o faremos; os datos só se usan para mellorar o servizo.
- Creada e liderada por mulleres: desde a empatía, a experiencia propia e o coidado.
- Honestas: traballamos con información contrastada e actualizada.
- Fiables: cando pedimos datos ou información persoal (síntomas, actividade sexual, etc.), é para devolver información e valor á comunidade.
Motivación e a quen vai dirixido o proxecto
Lanzamos a primeira versión de Cicla en decembro de 2021 coa vontade de ser unha ferramenta gratuíta e de acceso libre, independentemente dos recursos económicos de cada persoa.
Durante estes anos asumimos os custos de desenvolvemento, mantemento, marca e comunicación cos nosos aforros persoais. Hoxe, para poder seguir avanzando e manter a nova versión da app, necesitamos o apoio da comunidade.
Esta campaña está dirixida a todas as persoas que usan, valoran ou consideran necesario que existan proxectos de saúde menstrual éticos e independentes. O apoio económico permitirá que Cicla siga medrando sen renunciar aos seus valores.
Tamén nos podes axudar facendo chegar o proxecto a máis xente mediante a difusión de Cicla en grupos de amigas/os, redes sociais e medios de comunicación.
Cicla comezou como un proxecto impulsado por dúas irmás e medrou ata converterse nun equipo de 15 persoas con perfís diversos e complementarios. Ao longo destes anos desenvolvemos o proxecto no noso tempo libre, compaxinándoo coas nosas vidas persoais e profesionais, e sosténdoo con recursos propios.
Esta traxectoria demostra a nosa capacidade para idear, desenvolver e manter unha aplicación móbil funcional e con impacto social, así como o noso compromiso coa continuidade de Cicla a longo prazo.
Actualmente, o equipo organízase en diferentes áreas de traballo: Produto, Contidos, Marca & Comunicación, e Estratexia.
Compromiso social
Igualdad de Género
O ciclo menstrual é un proceso hormonal que acompaña ás mulleres durante toda a nosa etapa fértil, aproximadamente 30 anos ou uns 500 ciclos menstruais. A súa relevancia para a saúde é tal que en 2015 o Colexio Americano de Obstetricia e Xenecoloxía o recoñeceu como o quinto signo vital, xunto coa temperatura corporal, a presión arterial, a frecuencia cardíaca e o ritmo respiratorio.
A pesar diso, a saúde menstrual continúa sendo un ámbito invisibilizado e pouco abordado socialmente, mesmo cando afecta de forma directa a case a metade da poboación mundial (o 49,6% de mulleres en 2024, segundo datos das Nacións Unidas). Esta falta de información e recoñecemento ten consecuencias na saúde, no benestar e na autonomía das mulleres.
As aplicacións dispoñibles actualmente no mercado non cubren este baleiro informativo: a maioría limítanse ao rexistro do sangrado ou están orientadas principalmente á reprodución, deixando de lado o enfoque integral da saúde menstrual.
Cicla nace como unha resposta a esta carencia, co compromiso de ofrecer coñecemento, educación e autocoñecemento, situando ás mulleres no centro de toda a estratexia, o deseño e a toma de decisións do proxecto.
Objetivos de Desarrollo Sostenible
-
Salud y bienestar
Garantizar una vida sana y promover el bienestar para todos en todas las edades
-
Igualdad de género
Lograr la igualdad entre los géneros y empoderar a todas las mujeres y las niñas